|
Les c'mîns enfuntchis d'or du S'tembre Pèrchent un rêve rêvîlyi tchi m'bèrche. Coumme des moûques happées dans dé l'ambre - D's anciens jouéyaux qu'nou d'sithe, qu'nou chèrche - Les mauves sont prêsèrvées dans l'ciel, Fitchies dans l'air crêmeux et riche. Lé hathîn a lardé les fielles Et frits, dorant lus tigues et p'liches. Ch't or a beurré la matinnée Et couvèrt les trottouaithes dé myi. Et même les rues sont enfliubés, Rueûtchant au mitan du trafi. Et si nou gouôte chutte douoche mélasse Dé tchi les muthâles sont douothées Et cliutées ichîn dans l'espace Du S'tembre, ou dore nos lèvres et dés. Châque pathole chucrée et cliuteuse Env'loppe, coumme l'ambre, lé monde entchi. Bèrche-mé auve tes mots d'amouotheuse – Et, coumme man rêve, j's'sai rêvîlyi.
|
Viyiz étout: