|
S'nou vait les vailes dé batchieaux à dragon, si les louêmes hueûlent assez pouor faithe frémeu, si la plyie est aidgue et les nouages trons, ch'est qu'des ièrs fliambants saqu'thont bétôt l'feu. L'attaque avanche, drisse lé travèrs d'la mé. N'y'a pon en tout d'paix dans les vailes remplyies d'un vent vengeux; les dgèrrièrs au dget apèrchèvent les côtes qu'il' ont vailé qu'si. Mais les falaises aujour d'aniet, i' haûtent au r'pos sans autchun sîngne d'alarme ni m'niche. I' n'sont pon attatchies achteu, nos côtes. Les frontchiéthes sont seûthes, gardées et clioutiches. Mais v'là tchi veint eune mémouaithe des batchieaux. Nou n'est janmais si seux qu'nou-s'éthait creu. Chein tchi veint d'mathée s'n îtha étout d'fliot. Ch'est qu'des ièrs fliambants saqu'thont bétôt l'feu. Geraint Jennings |
Viyiz étout: