|
Femme change souvent, Comme une pllume au vent, Ou rit ou plleure Dans la même heure. Ah! le pouor innocent, Qui crait à sen serment, A tout à craindre, Est bein à pllaindre. Femme change souvent, Comme une pllume au vent, Ou rit ou plleure Dans la même heure. Jamais n'a l'coeur content, Car à chaque moment Oulle est marrie, Ou pâle d'envie. Femme change souvent, Comme une pllume au vent, Ou rit ou plleure Dans la même heure. Ah! le pouor ignouorant Qui se crait sen amant! Ch'nest que traitrise, Ch'nest que scouotrise. Femme change souvent, Comme une pllume au vent, Ou rit ou plleure Dans la même heure. P.L. 10/9/1872 |
Viyiz étout: