Les Pages Jèrriaises

Chest un signe de décadence

Ch'est un sîngne dé décadence
Sitôt qu'un peupl'ye n'agît pus,
L'homme tchi fait la révéthence,
Tchi pouor un rein va tête nue
Dévant l'ordgilleux Olophèrne
Tchi par pur hâsard lé gouvèrne...
S'i' né fait pas comme Judi
Nou devthait li paffer la joe,
Car, tchi sé traîne dans la baue,
San nom devthait êt' honni.

L'Anmin Flippe, 1870
  

 

Véthe, ch'est sîngne dé décadence
quand nou n'ôse d'aut' divuldger,
faithe des r'mèrques, des réféthences.
langue halée, tête èrlévée.
N'entête pon quand nou-s'èrgouongne:
Olophèrne, pouôrri d'ordgi,
'tait un génétha têtouongne
êtêté par la Judi.
Ouvre ta bouoche et freunme la porte;
chein tch'est connu, n'est pon s'gret;
nou n'prêche d'aut' auve la tête horte...
V'là coumme tchi les gouvèrner.

Geraint Jennings, 23/1/2014

 

L'originna:

Chest un signe de décadence
Sitôt qu'un peuple n'agît pue,
L'homme qui fait la révérence,
Qui pour un rain va tête nue
Devant l'orguilleux Olopherne
Qui par pur hazard le gouverne...
Si ne fait pas comme Judi
Nou devzait li paffé la joe,
Car, qui se traine dans la boe,
San nom devzait être honi.

L'Anmin Flippe
La Lanterne Magique 12/3/1870

 

Viyiz étout:

 

Les Pages Jèrriaises