|
Dans l'été dès sign' de jeu D'vant qu'nou vaie rein du solet, Dès qué l'prumié mio-d'couleu S'montre au d'sus du haut fossè D'vant que l'ombre d'la nièt s'sait horte J'l'entends chanter d'sa vouaix forte Cocolincheux
La brise, en faisant trembl'yer
Le v'la, grimpé sus l'jutcheux
Ach'teu ch'est un vrai concert,
Fermi, fermièthe, et valets,
Pustard quand la fille s'en veint,
|
|
Cocolîncheux Dans l'Êté dès sinne de jeu, d'vant qu'nou vait rein du solé; dès qué l'preunmié mio d'couleu s'montre au d'ssus du haut fôssé; d'vant qué l'ombre d'la niet s'sait horte; j'l'entends chanter d'sa vouaix forte: Cocolîncheux! La brise, en faîsant tremblier l'hèrbe tch'a crû dans l'vièr glyi, né manque pas d'en rapporter l'écho d'pus d'un poulailli. Car quand l's êtailes dispathaîssent Les cos chantent la preunmié mêsse: Cocolîncheux! Lé v'là, grîmpé sus l'jutcheux, rêvilyi lé preunmié d'tous, i' s'èrdrèche en clyinn'tant d's yeux. Ses plieunmes erlîthent comme du v'lous. I' s'craînche et lé v'lo qu'i' chante. Entend'-ous sa vouaix pèrchante? Cocolîncheux! Achteu ch'est un vrai concèrt. Y'a des rêponses dé toutes parts: D's êtournieaux dans les tchièrtchièrs et des mouessons dans l'haûgard; Dé châque bouais et d'châque êpîngne, mais la vouaix du co donminne: Cocolîncheux! Fèrmyi, fèrmiéthe, et valets, dêhalent, enfîn, s'frottant l's ièrs. Lé brit des cannes et boutchets a vite êmoûtchi l's avièrs tchi galopent nueux-pids dans l'aithe, tandi qu'lus gens sont à traithe. Cocolîncheux! Pus tard quand la fil'ye s'en veint, Pouor souogni glinnes et poulets avec san d'vanté pliein d'grain, r'gardez si l'co sait tch'est qu'ch'est. Dès qu'ou crie "Pétit'-Pétit'" I' li'amène d'ses poules vite. Cocolîncheux! |
un co
Viyiz étout: