Les Pages Jèrriaises

Clementine

Un ouvriyi auve sa p'tite fil'ye
Dans la cave d'eune grand' vallée,
Y creusait, chèrchait sa forteune
Pouor li et sa Cliémentinne.

Oh ma belle_e, oh ma belle_e,
Oh ma belle, p'tite Cliémentinne,
Pèrdu pouor “Tréjours” et “Janmais”,
J'en ai r'gret, Ma Cliémentinne!

Oulle 'tait belle_e, comme eune ange_e,
Ses p'tits pids!....mais 'taient-t-i' grands!!
Les chavettes à Cliémentinne_e,
Ch'tait comme des câsses à coutchieaux.

Oh ma belle_e, oh ma belle_e,
Oh ma belle, p'tite Cliémentinne,
Pèrdu pouor “Tréjours” et “Janmais”,
J'en ai r'gret, Ma Cliémentinne!

En mettant les cannards à l'ieau,
De bouonne heuthe eune matinée,
Ou choppit et fit tchulbute_e
Dans l'canné d'la grand' vallée!

Oh ma belle_e, oh ma belle_e,
Oh ma belle, p'tite Cliémentinne,
Pèrdu pouor “Tréjours” et “Janmais”,
J'en ai r'gret, Ma Cliémentinne!

Mé, san galant j'la viyais là,
Avec l'ieau jusqu'ès ouothelles,
Mais comme jé n'pouvais pas nagi,
J'pèrdis ma chiéthe Cliémentinne!

Oh ma belle_e, oh ma belle_e,
Oh ma belle, p'tite Cliémentinne,
Pèrdu pouor “Tréjours” et “Janmais”,
J'en ai r'gret, Ma Cliémentinne!

San P'pèe, se trouvant seul, i'
Patchi ses vailes 'tôt auprès,
Mé, j'ai ieu mes rêves dêrangis,
Par Cliémentinne deux'trais fais.

Oh ma belle_e, oh ma belle_e,
Oh ma belle, p'tite Cliémentinne,
Pèrdu pouor “Tréjours” et “Janmais”,
J'en ai r'gret, Ma Cliémentinne!

Ou comprendrez, qué j'l'ai mantchi, mais
Aut' choses m'întérêssent ach'teu!!
J'oublyis ma Cliémentinne_e
Auprès j'embrache_e sa soeu!!

Oh ma belle_e, oh ma douoche_e,
Oh ma toute chiéthe Cliémentinne,
Pèrdue pouor “Tréjours” et “Janmais”
J'm'en fiche bein …Belle Cliémentinne!
 

Viyiz étout:

 

Les Pages Jèrriaises