Les Pages Jèrriaises

Té pliaît-i' m'acater des cigarettes?

Ou m'arrêtit. Pouortchi? J'fus-t-i' surprîns!
Janne et gênante, affrontée coumme eune b'lette,
Et v'là ou mé d'mandit chutte tchestchion-chîn:
“Té pliaît-i' m'acater des cigarettes?”

La feunmâtcheuse m'adréchit à matîn;
Lé feu fut satchi et ouaithe qué nou dgette
Pouor la brigade, j'n'acceptis pon l'bardgîn:
“Té pliaît-i' m'acater des cigarettes?”

Et a-t-alle caûffé man tchoeu même un brîn?
Nânnîn, man pôqueur est bûchi en miettes.
Ma rêponse: “Nânnîn-dgia, ma garce, nânnîn.”
“Té pliaît-i' m'acater des cigarettes?”


Geraint Jennings
11/2/2004

 

Né p'tunnez pon!
 

Viyiz étout:

 

Les Pages Jèrriaises