Les Pages Jèrriaises

Té et ta belle câsaque en tchui

 

J'èrgardis par la f'nêt'. Ma fé!
Jé t'vis dans la rue à marchi.
Lé rouoge et l'nièr mé fîtent rêver,
Té et ta belle câsaque en tchui!

Tu'avais emprunté la câsaque
À tan janne houmme (tchi jalousie!).
Tch'est qui m'fidgit là sus la taque?
Té et ta belle câsaque en tchui!

Nièr tchui, rouoges g'veux, tch'est qu'nou peut faithe
Quand nou-s'est prîns par la magie
D'chu bieau contraste? Nou dév'thait s'taithe.
Té et ta belle câsaque en tchui!

Hale ta câsaque! Laîsse couôrre tes g'veux!
Laîsse tan janne houmme! Veins m'embraichi!
J'sis-t-i' jaloux ou amouotheux
D'té ou d'ta belle câsaque en tchui?

 

Geraint Jennings
Févri 2001

 

Viyiz étout:

 

Les Pages Jèrriaises