|
Buch'ron, êpeigne chu Bouais là! A auq'une de ses branques n'fais d'ma! Dans ma jennesse i m'a abbrit'tai, Et ach'teu je l'protég'geai. Ch'tait la main de man grand péthe Qui l'plianti, prês de sa chaumièthe, Bucheux d'Bouais n'en 'apprêche pas, Que ta grande hache n'y touche pas.
Chu bouan vier Bouais, le giant qu'nou-z'aime
Quand un tout p'tit avé j'étais
Les cordons d'man quoeur autou d'té
|
|
Bûcheux, êpaîngnes chu Bouai-là! À autcheune dé ses branque n'fais d'ma! Dans ma jannesse i' m'a abrité, Et à ch't heu jé l'protèg'geai. Ch'tait la main dé man grand-péthe Tchi l'pliantit près dé sa caûmiéthe; Bûcheux d'bouais - n'en appraiches pas, Que ta grand' hache n'y touche pas! Chu bouan vièr Bouais, lé giant qu'nou-s-aime À vaie sus tèrre, et sus les louêmes! Et tu voudrais l'fliantchi par tèrre! Câsseux d'bouais - quouaiqué ta hache sait finne, N'touches pas à ieune dé ses réchinnes! Oh, n'copes pon chu Tchêne, quouaiqu' vieux R'gardes - ses branques dominnent les cieux! Quand un tout p'tit avé j'étais, À s'n ombre grâcieuse j'mé réfugiais Dé toute la jouai d'man tchoeur; Ichîn étout jouaient mes soeurs, Ma méthe m'embraichit là, j'sai bein! Man vièr péthe m'y sèrrit la main; Oh, pardonnes chutte lèrme-ichîn, Mais qué l'vièr Tchêne né bouoge brîn! Les cordons d'man tchoeur aoutou d'té Sont liés aussi près qué ta pé; Vièr anmîn! Ichîn i' chant'tont, L's ouaîsieaux; - Tes branques sé courbéthont, Vièr bouais! Tempête, ôrage, tu brav'thas! Bûcheux, sors d'ichîn à grands pas! Tandi qu'j'ai eune main pou' l'sauver. Ta hache né touch'cha pon à sa pé! |
Viyiz étout: