|
Me vela Boycottai, je sis bain arranghi, Chest vrai, car chest un grand homme qui me la dit, Y n'faut pus qu'j'aille es assembièes, car devré Y se sont tuous décidais de me Boycotté, Monsieu AUBIN et l'ancien PH'LIP LE VESCONTE Sont décidais de cherchi à m'faithe honte. Mousieu L'VESCONTE prend de la peine a cherchi A expliqui qu'il a tréjous très bain agi. Veth ma fé nou zen ri, Car nou zen a grand pithi, Pour quant a mé je prendrai, Avec chonna, un mio de sai d'vant l'avalé. Mais y craient bain, que entre tuous les deux, Y réussithont a me faithe peux Chest au contraith', y peuvent bain conté Que je me dêrang'eai pour y allé Et quand toute lus ghiengue s'étheai la Endrait tuous je lus rappellait tout chonna. Car j'ai l'histoithe au bu de mes daights Et j'itheai lus raconté tout exprès. Quant a mé, je ne demande pas mus Que d'avé de même a pitchi d'sus Si me donnent l'occasion Je ne la manquetheai pon Se n'entendrai pon VESCONTE nommai Sans li rappelai tout chain qui l'a fait Dans tout chonchin, ches buounnes gens la craient Le bianchi, bian comme de la craie Y n'ont qu'à! y lus faudrait hardi Be bian-de-paris pour le bianchi Car s'étant tatheai par limême Y n'peuvent pus l'bianchi de même. Car la caux prend tréjous sur le vert Latath' passe tréjous a travers Y sied bain mal au fils a PH'LIP AUBIN D'être tréjous achteu a suountenin PH'LIP LE VESCONTE, y n'y'en a pas, qu'ont dit la mantchi De chain que PHILIPPE AUBIN, junieur, a dit sus li. Y disent que si je n'y allais pus Y n'y éthai pon auqun embarras Chest a dith' que VESCONTE ou bain me Devtheaient a l'avenin resté siez sé. Y peuvent s'arranghi, mais faut craithe Quant à mé, je m'déran'geai pour les pièthe J'itheai, car v'la qui les fait enragi Y n'cherchent qu'à m'faithe aitout mari Y devtheaient savé mus car depis dghix ans Y l'ont êprouvai, et ont perdu lus temps Car dans bain des instances, chétai pour Avé paix, j'ai fait sembiant d'être sourd Mettre ma main a m'nuotheille, faith' de l'embarras Et faith un mio sembiant de n'entendre pas Et si tennaient a continué, oquoth' une fais J'n'entendais pas oquo pour chutte fais, par exprès Et pis après chonna je rêpondais A une question qui n'tat pon demandée Y faut être un petit mio bête J'sis enclin à lus tâté la tête Pour vais si lus manque quicque chose (Y faudra bain que je lus propose Afin de pouvé bain s'en asseuthé Car y sont fos, ou y sont a maintchi Portais a le faithe par mauvaistchi) Pour en fini l'autre jour je lus disais Que j'n'itheai pas, pus souvent qu'toutes les fais. |
Viyiz étout: