Les Pages Jèrriaises

L's Actes des Apôtres: Chapitre 15

Vèrsets 35-41

Mais Paul et Bèrnabé restîdrent à Antioch, à ensîngni et à prêchi la pathole dé Dgieu, auve tchiques aut's. Et tchiques jours pus tard, Paul dit à Bèrnabé, "R'allons r'vaie nos fréthes dans toutes les villes dans tchi qu'j'avons donné la pathole dé Dgieu, et vaie coumme tchi qu'i' sont."

Et Bèrnabé voulait bein am'ner acanté ieux Jean, mênommé Mar. Mais Paul 'tait d'avis qu'i' n'tait pon d'mêtchi d'am'ner acanté ieux tchitch'un tch'avait r'nonchi lus compangnie en Pamphylie, et tchi n'avait pon continnué dans l'travas. Et y'eut du hèrtchîn entre ieux, et i' lus entre-tchittîdrent, et Bèrnabé s'en fut d'compangnie auve Mar et i' lus en fûdrent en Chypre, mais Paul emm'nit Silas et i' lus en fûdrent auve la bénédiction des fréthes. Et i' pâssit par la Sythie et la Cilicie en y renfochant l's églyises dans la fouai.
 

Viyiz étout:

 

Les Pages Jèrriaises