La 900ième page ajouôtée est eune articl'ye entouor l'êcrithie d'la poésie en Jèrriais tchi fut êcrite par Elie - lé grand auteu Jèrriais, Edwin J. Luce (1881-1918) - et publiée en 1918, tchiques s'maines seulement avant sa mort tragique.
Geraint Jennings, maître-pêtre des Pages Jèrriaises, dit: "J'avons un riche héthitage littéthaithe, mais j'avons des diffitchultés à trouver touos ches poèmes, histouaithes et articl'yes. Y'a bein des gens en Jèrri tchi n'savent pon même qu'j'avons tout chenna. Les compiuteurs et l'Ithangnie peuvent nouos donner la possibilité d'chârer ch't héthitage auve nos mousses, nos concitouoyens et lé monde entchi."
Achteu nou-s-est à ensîngni la vielle langue d'Jèrri dans nos êcoles, et nou peut faithe sèrvi les matéthiaux êducâtionnaux et les gammes sus les Pages Jèrriaises pouor les clâsses. Les cheins tchi sonts brantchis peuvent liéthe un tas d'littéthatuthe dans not' langue étout siez ieux sus lus compiuteurs.
Parmi les neu chents pages en Jèrriais et entouor lé Jèrriais y'a:
"J'espéthons aver mille pages avant lé Millennium," explyitchit Geraint Jennings, "et s'i' y'a autcheune pèrsonne tchi veurt aîdgi ès Pages Jèrriaises, jé s'sons hardi r'connaîssants d'èrchéver des textes en Jèrriais. Tchi p'tit m'donne veurt qué j'vive!"
Viyiz étout: