|
Quand nou za le Connêtable auprès d'sé Y faut tréjous soigni de n'pas s'êhemmé, Car chest aussi vrai comme je vos l'di Qu'il est bain seux de prendre chonna pour li. Quand ou zétheaites du frai à en crévé Pour auqune chose n'allais pas êternué, Car pour le pus moindre petit mio de toux Y vaindra bain mâri avec vous. Et si ou vos êhemmaies, y cré Q'nou li manque hardi de respé. Quand nou counnais ses vaissiaux, nia pas besoin D'les mesuthé, j'acatteai, (j'em gêne bain Combain en payi) un tas de Lozenges, du sitho J'en prendrai tréjous, d'vant d'allé à XBO; J'espèthe, que vela qui m'empechea De toutre de même comme chonna. Y faut bain faithe quicq'chose, j'en veurs pas. En auqun temps me trouvé en embarras. L'autre jour je le rencontrais Et pis bain maugrai mé, je toussais. Y dit, (nou za peine à craithe ditai) Que chest de même que je l'ai insultai. Chest que tout chonchin N'est pas du gnolin, Car che fut après longue consultation Ov JOSEPH, y fut prendre information. Et chest qui dit que ch'nest pas convenable De dith'que san frère n'est pas capable D'être Connêtable, y demande de craithe Que chest manque de temps, qu'il a un sécrétaithe Chétai a mémême que JOSEPH s'en piengnit Et d'un air tout séthieux, je lis rêpondit Ah je pense que vethe Je fis semblant de l'craithe. JOSEPH avait l'air séthieux I1 est bon comme deux Chest qu'il est diversement mâri D'entendre s'en fraithe critiqui. Y l'est mâri aitou que nou zai soupçonnai San bain grand manque de capacitai.
J'aimetheais bain à le vais
Je m'en vais envié tous les garsons
J'allons faithe du citho, justement coumme
|
Viyiz étout: