Tu est eunne petite vilaine,
Ma chièthe petite Hélène;
Tuéthais deu me d'mandé
Si j'îthais avec té.

Tu sait bein que j'aime à allé sus la mé,
Combein d'fais que j'iavons tet, té et mé.
Te rappelles-tu bein quand j'allîmes en Giernézi?
J'eûmes bein du "fun" et bein du piaiezi.

Je vîmes ennne jeune fille qu'avait l'air bein chergie;
Ou fut sus l'point de perdre touos ses habits,
Ou portet san bagage dans eunne boiête en carton,
Mais, quand nou m'pinchet, j'eine dithais pas san nom.

Ou'l tet bein aise d'avai emportet avec yi
Un grand moiochet à la piaiche de pagnit;
Ou meins sa boiête dedans quand ou dêsfondsi,
Et chonna fut fait dans un kyin d'gi.

Le temps pâset, tous n'avaient pas de portmanteaux;
Achteu, tout l'monde en a aussitôt -
- Qui pense à sortit pour deuex-strès jours;
Et chest chein que presque tous font d'nos jours.

Et bein! vein m'vais, ma Hélène,
Tchique temps dans la s'maine.
J'ai envie de boulangi;
Tu m' aiddas bein à paîtri.

Et pis tu-éthas du fricot,
Car j'té don'nai eun bourdélot
Et d'la gâche à pommes,
Car le temps s'yiadonne.

Tchi temps qui yia fait,
Principalement la gniait;
Toutes les pommes sont bas,
Et nou n's'en êtonne pas.

J'attendrai, ma Hélène;
Dans l'couothant d'la s'maine,
Vein passai l'jour Mardi
Et amène notre vieille tante Betsy.

Ten couozein sça bein content
Yia longtemps qui vos attend
Il en a pâslet bein souvent
Et tréjous si tendrement.

Il a dit qui vos remportétha
Dans la carrosse avec le p'tit chva
Après le p'tit rigodon
Jusque siez Misis Ernom.

Et bein "good bye" ma Hélène
Tu veindras m'vais chute semaine
Ne fait pas des compliments
Veint tandis qui fait bieau temps.

A la préchaine
Ma p'tite Hélène.

Georgie