Un touriste èrgarde les heuthes des beusses.

Un aut' touriste arrive, et i' liêsent ensembl'ye.

Touriste l

SAINT OWEN? KWESSNEE? LES MILLS? BONNIE NEWITT? J'voulons aller à Bonnie Newitt, est-che pon?

Touriste 2

Oui! Nos v'chîn a VINSHELLEZ, SAINT OWEN, est-che pon?

Lé 1ié Jèrriais arrive.

1ié Jèrriais

J'peux ti vos aidgi, mes bouannes gens?

Touriste 2

Oh, oui! J'voulons aller a Bonnie Newitt.

1ié Jèrriais

Bonnie Newitt? Ch'est p'têtre en Dgèrnésy.

Lé 2e Jèrriais arrive.

1ié Jèrriais

Ches gens îchin veulent aller a Bonnie Newitt. Est-che en Dgèrnésy?

2e Jèrriais

Bonnie Newitt? Bonnie Newitt? Bonnie Newitt - ch'est Bouanne Niet tch'i veulent. Voul'ous aller a Bouanne Niet, mes anmins?

Touriste l

Vethe! Bonnie Newitt, comme j'avons dit!

2e Jèrriais

I'faut prendre la beusse à St. Hélyi.

Touriste 2

Mais j'n'voulons pon aller en ville.

2e Jèrriais

Pour aller autchun bord, i' faut aller en ville.

Touriste l

Pourtchi?

1ié Jèrriais

Pour hauchi les profits du J.M.T. Oh! n'oublie pon qu'i' faut payi en Euros ach'teu!

Touriste l

Mais j'n'avons pon ieu l'temps pour aller à la banque.

1ié Jèrriais

J'm'en vais changi vos sous. Donne-mé dgiex louis - ach'teu vos v'là - dgiex Euros en échange.

Touriste 2

J'pensit qu'i' avait deux Euros par Louis.

1ié Jèrriais

Pon à St. Ouën! A bétôt!

Lé 1ié Jèrriais s'en va.

Pat, lé porteux d'lettres, arrive.

2e Jèrriais

Bouanjour, Pat! As-tu 'té à battre auve lé tchian à l'Avocat Siné aniet?

Pat

Nânnîn, pas acouo. Tch'est qu'ous êtes à faithe ichîn?

2e Jèrriais

J'm'en vais en ville, et ches Angliaiches vont à Bonnie Newitt!

Pat

Bonnie Newitt - ah! Bouanne Niet! J'peux traduithe autchun addresse en Jerriais, mé. Mais j'sommes 'ti en êté ou en hivé?

Touriste l

Tch'est qu'ous voulez dithe?

Pat

En êté les beusses pour St. Hélyi vont par là, et en hivé i' vont par là.

Touriste 2

Ch'est bein drôle - les beusses pour Bonnie Newitt vont par St. Hélyi, i' faut payi en Euros et en hivé i' vont en amont et en êté i'vont en ava!

Eune danme encheinte arrive.

Pat

Bouonjour, Missis Ecobichon!

Danme encheinte

Bouonjour, Pat! Comment qu'est tan cat Jess?

Pat

Magnifique, mercie! Mais tch'est qu'ous êtes à faithe ichîn?

Danme encheinte

Ch'est aniet qu'j 'm'en vais à l'hôpita.

Pat

Est-che pour un livraison d'bouanne heuthe ou pus tard ?

Danme encheinte

Eh, bein! Ch'est s'lon les beusses.

L'homme dé l'Héthitage dé Jèrri entre. I' prend des photos d'l'abri d'beusse.

Touriste l

Tch'est qu'ous êtes à faithe?

Homme

Chennechîn est la preunmièthe abri à beusse d'la Millennium. I' faut célébrer not' hethitage - et ch'est ichîn qu'j'avais faithe servi du granit du vièr prison étout.

Danme encheinte

J'ai un aut' raison pour célébrer l'abri de beusse, mé. Ch'est ichîn que tout chennechîn a c'menchi - auprès Lé Service dé Noué.

Un soûlard entre

Danme encheinte

T'es soûl té!

Soûlard

Jé pliantons dans la scie... nouffet... jé chantons auve les pids... ah, sapresti! Jé chantons dans la plyie... Ah, mon Doue d'la vie! Nou m'attend au Sable d'Or pouor jouer à darts. J'sis l'champion, ma fille.

Danme encheinte

Tais-ous! T'es soû!

Soûlard

Ch'est vrai, et t'es encheinte et grosse comme eune bârrique, mais jé s'sais sobre à matîn, valet!

Danme encheinte

Tais-ous!

2 vielles pèrsonnes arrivent.

L'encheinte s'met à donner naîssance

La 1ié vielle pèrsonne chèrche dans sa pouque pouor san titchet et l'trouve.

2e vielle pèrsonne

Mais du n'peu't pon faithe servi d'chette là - ch'est pour le Hoppa, pon ichîn à St. Ouen.

1ié vielle pèrsonne

Ch'na veurt-ti dithe qu'i m'faut un nouvieau photo? J'n'peux par en afforder. J'ai ma license d'télévision à payi et pis i' y a mes dents étout.

L'encheinte continnue à donner naîssance. Les gens lus rassembl'yent à l'entou d'lyi.

Deux peintres entrent et tchulbutent contre ieux-mêmes.

Peintre 1

Tch'est qu'ous êtes à faithe, té?

Peintre 2

Tch'est qu'ous êtes à faithe, té?

Peintre 1

J'sis à peindre pouor les beusses, mé.

Peintre 2

J'sis à peindre pouor les beusses, mé.

Peintre 1

Sapresti! J'sis suivant instructions.

Peintre 2

Et mé étout.

Eune bastaude quémenche.

Un Offici du Connêtabl'ye entre, arrête la bastaude et pâle au Peintre 2

C.O.

V'là assez! Man pouor garçon, les Hoppa beusses n'vont pas à St. Ouen. Ch'est la Rue des Prés à St. Sauveur qu'ous voulez. Mais pourtchi qu'ous êtes touos ichîn? Ou n'avez pon ouï qu'les cacheux d'beusses sont en grève acouo eune fais.

Lé bébé est né

Lé cacheux dé Hoppa arrive

Lé cacheux dé Hoppa

Si les anes peuvent marchi, les crapauds peuvent Hopper vein t'en mes bouannes gens.

I touos "hoppent" hors.