L'autre jour, un p'tit janne mousse trouvi
Une bourse qu'avait 'tait perdue.
C'h'tait p'têtre par tchuthiosité qu'i l'ouvrit...
Ou cont'nait chinq louis ou même pus!
Ch'est d's'honnêtes mousses qu'ya en Jerri,
Et j'lus en fais man compliment,
Car l'honnêt'té - ch'est à r'mertchi -
Est un bein nobl'ye sentiment.
Chu puorr' avé fut don bein fi
D'ramasser bourse et souverains.
Au propriêtaithe i rendit
Lé tout sans faithe une mie pus d'train.
Ch'est qu'la personne eut du pliaisi
D'vais qué l'mousse lis rapportait tout!
Et ch'tait d'buon tcheu qu'ou lis suorrit:
"Là! tchein man p'tit; né v'la quatr' sous!!!"
Casquette
1904
| 