|
Dans sa chuisinne, Mousieu était assis Tranquillement à joué avec tuous ses p'tits; Il 'tait heureux "dans l'sein de sa famille " (Et n'pensait pon au changement des Billes). Ma fingre j'en sait pon Si chétait à caffou Ou bain à la bague bergère. (Li qu' est si buoun père) Qui jouait avec ièux, Enfin, il 'tait heureux " Dans l'sein d'sa famille " (Tréjous sans pensé à chès fichues Billes), Quand tout d'un coup, chétait-y pon fichant? Fallu quitté tuous ches chiers pétits êfants Car la clioche de la porte de dévant (Chest par chutte porte qu' entrent les grand' gens) Venait djiantrément haut dé sonné, La servante avait fait entré Chicque personne dans le salon; Chest que che fut d'un diver embront Que Mousieu clutti les p'tits dans l'aire, Criant sans doute avé affaire A quicque grand Mousieu de la Ville (Ne pensant pon à ches tracas d'Billes). Peut être que chétait Mousieu DUREL Qui v'nait y'apporté chicque nouvelle Ou pour des avis pour tuous ches procès (Car il en hale des sous ès Trintais). Tout fi, Mousieu entre dans san parleux Et pis resti tout bête - car un ramouneux, Tranquil'ment 'tait assis Avec tuous ses habits Tuous gnier's et couerts de sie, Et ses sales bottes sus san tout buoun tapis. La servante, chétai manque de savé mus, Y avait donnai l'fauteul à s'assièthe dessus, En admithéant, il avait gnerchi Comme de la sie, le biau papi (Qui n'a pon s'nêgal en tout Jerri). Une tête, que nou zavai tant admithéai Etait achteu, toute couverte de saltai; Il en resti Tout êbahi, Mais chen tait pon là tout, Vite et tout d'un coup (Mousieu le Ramouneux, Qui n'était pon honteux) Sans faire une mie Dutout d'cérémonie, Che fut tout buounnement, Et bain tranquillement, Et dutout sans se l'vé Y se mins à taté Dans sa pouchette, et trouvit Une Bille, qui dêhalli Et chest qu'ou l'tai toute trilhie, Y d'mande à Mousieu de l'avé changie!! Qu'est qu'y fallait faire? Depis sen affaire Avec le Juge MESSERVI Il 'tai ben obligi, Buoun grai, ou ben maugrai, Quoi qu'il en eusse grand dêpièt. Mais la Bille, fallait ben la changi Pustôt que d'avé tout san fait saisi! (L'Juge V---n l'en avait averti), Monsieu avait erchut le Rât, Donc, y n'eut pon tant d'embarras Coumme la preumière fais Devant le maudi procès, A trouvé du change pour chutte fichue Bille Qui troublait san répos " dans le sein de sa famille." Depis chu temps-là, quand, avec ses avers Mousieu est à joué, y vein sus ses nerfs Quand il entend la cliochette sonné Y l'en tremble, et voudrait se sauvé, Car il a peux Des ramouneux Et de tuous cheux Qu'ont des Billes de paraisse à changi (Y crait tréjous y ves le Juge MESSERVI); Car damme, si tuous les chains Qu'ont des Billes dans les mains Li tchiaient tuous sus le co D'un temps, y l'en vendrait fo S'y ne trouvait pon des sou Pour pouvé lus payi tou, Car, ma fé, s'il ne le pouvait pas Y se trouverait dans l'embarras, Tout san fait serait saisi Et les paissons du vivi En sauteraient, et ses biaux cannons Seraient vendus comme les paissons, Ma fingre, par devant l'Offici.
Je le pliains ben, y ne dort pas dutout à sen aise;
Mais, y faut avoué, tout homme convenable
Alfred Messervy |
Viyiz étout: