Pourtchi?

J'd'mandis à Mémée iun d's aut' jours
Pourtchi qu' fallait s'poudrer:
Ou m'dit, en riant, qué ch'tait parcequé
Ou voulait s'amender.

Et d'même lé lendemain j'fis comme lyi
Et j'tâchis d'm'amender;
Mais M'mée m'en contit d'toutes les sortes,
Et m' dit d' aller m'laver!

Pourtchi qu'faut qu'j'arrête qué j'sais grande
Dévant pouver m'poudrer?
Y'a-t-i' tchiqu'uns qui peuvent mé dithe? -
Car j'voudrais bein saver!

ALP