Les Pages Jèrriaises

Dans la bliâse Picarde


Dans la bliâse Picarde, y'étha des folies:
Nou veurt y bâti un aéroport.
À la pliaiche d'la pliant'tie, la chînment'tie
S'en va bétôt couvri ches tèrres. “Dors, dors,

P'tit quinquin” Dors acouo, paysage dé clios.
S'i' yétha des bêtes ailées à t'mangi,
Ch'n'est qu'eune pons'rêsse, et si lé monde est fo,
Ta méthe s'en va t'bèrchi, t'calmer, t'souongni.

Chu blianc bliantchet té couvre, man p'tit, et t'caûffe;
Chu liet d'bouonne tèrre es'sa ta trésor'rie;
Ichîn dans les bras d'bouonnes gens tu s'sas sauf:
La seule vol'lie est dans tes rêves, man p'tit.

 


Geraint Jennings
Amiens - Tchèrlerouai
24/11/2001

 

* "Le p'tit quinquin" est eune sorte éd antienne des gens d'la Picardie et du Nord d'la France

 

Viyiz étout:

 

Les Pages Jèrriaises