"Prepare for rhyme, I'll publish right or wrong,
"Fools are my theme, let satire be my song."
- BYRON.
|
Dans un vivi, Bein à l'abri, Vivaient En paix Des biaux petits paissons qui faisaient La jouaie Du sien à chi ils appartenaient. Y'en avait de grands, Y'en avait de p'tits, Des ruouges et des blancs, Les autres étaient gris. Y'en avait de courts, y'en avait de longs, D'autres étaient faits coumme des lanchons; Y'avait des cherpes qu'étaient venues Jusque du Mont-Mado, et pis de pus, MOUSIEU DES JARDINS y'en avait pêchi De 'dans la fontaine du Neu Marchi. Y n'y'avait pon d'maquéré ni d'brême, Du horfi, ni du paisson de même. Ou savais bain, chest pas là lus ieau, Car chest de la sauce qui lus faut; Nou ne puourait jamais prétendre D'être malins assais pour prendre Du paisson qu'est frais, et du salai, D'une source d'iaue chi sort d'un prai. Mais, enfin, tuous ches dous chiers petits 'Taient diversement apprivoisis; Y connaissaient si bain lus maître Que quand y le vyaient paraître Avec un tas de miettes de pain, Qui lus donnait de sa propre main, Y l'en craulaient la coue de piaisi Et y s'appréchaient tout près de li, Car y savent ben qu'il a le cheur bon, Y ne f'rait pas de ma à n'un paisson; Car jamais y n'érait pensai D'bailli un p'tit coup de drannet Dans san vivi, pour en avé Un p'tit frico pour déjeunné. Nan! Mousieu aimait mus, en extase Geutter chaque petit valet Dêhalé de sa niche de vase Pour s'êcauffé au biau solet; Mais dans chu monde, les braves gens Ont lus minsères de temps en temps, Les paissons n'en sont pas maime exempts. Chest chi manchirent ben une bordaie D'être presque tuous exterminès. Nev chin coumme l'affaire se fit: Mousieu, une fais avait un louagi, Un houmme qui avait ben naviguit D'Terreneuve jusqu'au Dêtrait Ben des viages il avait fait; Mais dans la Wings il 'tait vengi Par un tas de maudite vermine, Chi mangeait l'grain à toutes ses glinnes, Et la péture ès puour' animaux, Le puoure houmme en jurait tout haut. Se faisait t'y: "J'ai biau "Lus mettre des trappes, "J'en fais pon de happes; "Y m'faut, autre chose, un buoun cat "Vos dêtruira ben suouris ou rât." Il eut une catte, une belle, Ch'tai une manière de tortéshelle; La bête faisait ben san dévé Dédans et dehors, chest à savé Toute la vermine qu'oulle attrapait; Mais bétôt, engnaie de tant de viande, Madame la catte vint ben friande Et crut, et avec certaine raison, Qu'oulle aim'rait ben un mio de paisson. Un jour oul étai, faisant sa tuounnaie Pour atrappai des taupes dans les prais, Minette passi Auprès du vivi. Un ruollge paisson, yuen des tuous forts, Dormait au solet le long du bord; Not' bête le vet, d'un coup de patte Chutte fichue malinne catte L'amême à sec et le dêchire. (Nou n'en a que d'en crêvé d'rire) D'pensé qu'ou laisserait achteu en r'pos Les suouris, les taupes, les râts et mulots, Pour vénin faire de buouns fricots Sus les biaux ruouges paissons du vivi; Y n'tait pon besoin de les fricaschi, Car tuous crus ou pouvait bain les manghi. Minette, not' maline penfêque, Tuous les jours ou l'allait à la péque, Et à veue d'yi ouelle engraissait, Vere, mais le paisson tenvrissait, Et Mousieu s'en apperchevai ben Quand y l'y venait ayec du pain; Y ne pouvait pon s'imaginé Yiou que san paisson disparaissait, Quasi tuous les jours y les comptait. Un biau jour, ah! Mousieu avisi Madame la catte qu'était à pêchi; Y s'avole dessus, et juste en temps Y'en arrache un ruouge d'entre les dents. Et quant y vit san paisson tout dêchirai Le cheur l'y manqui, y l'en airait pleurai De paine! mais la catte y la happit Chique temps après, nou dit qu'il la pendit. Quoique je né cré pas Qu'un homme coumme li Qu'aime tant les puour cats, Et qu'à l'cheur si tendre, Ethai voulu pendre Une puoure bête pour avé pêchi De même, deuse-trais paissons dans san vivi. Mais enfin, tout coumme, depis chu temps-là Le louagi n'a pon erveu catte, ni cat, Et les paissons ont 'tait tout-à-fait en paix Dalls le vivi, coumme ils étaient aut'fais. Monsieu, pour certaines raisons, A fait plaichi deux gros cannons Pour faire peux Dam! à tuous cheux Chi voudraient faire du mâ ès paissons. Je ne cré ma fingre pas Qui puouraient tiré des cats, Car les cannons sont ben vieirs (Y ne se chergent pon par la chulasse) Y furent trouvais dans l'Ile de Sercq, Enfouis dans une sorte de crévasse, Et y furent vendus pour du vier fé A qui voulut les acaté, Ches deux pièches d'artillerie, A Mousieu, firent ben envie; Y se dit, y'a des p'tits cannons sus la route, Pour mé y m'en faut de gros, sans doute, Y ne m'en demandront pas trop chi, Je les acat'rais bain à buoun marchi, Y n'y a pon grand soin qui 'saient viers, De tuous neufs seraient biaucoup trop chiere Y les acati et à la fin Y les fit momté dans san gardin. Et y les eu ben êchurés, Peints, vernis, et pis coaltarrès, Chest sans doute un ornement, Qu'est chi peut dire autrement?
Le louagi est hors depis longtemps, .
Quant à li-même, j'en sai pon trop
|
Viyiz étout: