J'avons bein c'menchi l'année pour promoter lé Jèrriais et j'espéthons d'aver fait d'not' mus pour attracter des touristes Belges dans l'île.
Un homme et eune femme dé Radio Belge dé Antwerp sont v'nus en Jèrri pour collecter du matériel pour faithe un programme tchi montre la vie en Jèrri et j'nos sommes rencontrés à Channel Television.
J'avaimes prépather du mangi et du baithe (non-alcoholique!) et j'avons passé eune heuthe et d'mie avec ieux en lus explyitchant la raison qué nos classes du sé sont si importantes pour sauver not' vielle langue.
J'lus avons chanté nos vielles chansons, j'avons pâlé l'Jèrriais et j'lus avons fait la beinv'nue Jèrriaise! Channel Television sont tout l'temps prêts à nos prêter eune appartènement et j'voulons les èrmercier bein des fais.
J'appartchenons quâsi tous à l'Assembliée d'Jèrriais et deux fais par an, les êtudgiants organisent la sethée mensuelle.
Lé 26 d'Janvi nos a trouvés à la Salle Parouaîssiale dé St Cliément pour eune sethée d'fanne.
Tout l'jour il a tchaie dé la finne né et i' faisait eune fraid d'tchian mais j'taîmes eune quarantaine et tout et j'avons ieu eune divèrsement bouonne sethée à 'chasser lé doryphore' et à éprouver dé répondre 50 tchestions comme: Est-i' permint, en louai, à un homme dé mathier la soeu dé sa veuve?
Pensez-y! Si sa femme est veuve - i' dait être mort!
La préchaine sethée organisée par les Etudgiants es'sa lé 19 dé Mai à siex heuthes et d'mie au Zoo. Un p'tit ouaisé nos a dit qu'i' sont déjà à bâti des cages pour certains d'entre nous!
1996
Viyiz étout: