|
Ah! man puore Nicolas, Combein d'fais q'tu t'en r'grettas, D'avé agi de la sorte, Pour avé deuex-streais carottes. Tu t'en alleais là bouan pas, Avec tan sac sus tan bras, Criyiant de l'emportè pyien, Ah! y faut tréjous faithe bein. Le méchant est souvent trompet, Quand même qu'il ythait la nyiet, Pour ramassé des carottes, Et Sali ses belles houtes bottes. Su t'uaveais penset à tes gens, Tu'etheais ertuounet en couothant, Fallet resté à medité, Pus tôt qu'dallé dans l'qios au sé. Ah! man puore Nicolas, Toute ta vie tu t'en rappellas, De chutte séthée-là aux cyié d'zeitelles, Q'tu perdit tan nom pour eunne bagattelle. A tout pêcheur, misericorde, Puis-que t'en fermi s'iacorde, Tu n'ithas pas d'vant la justice, Pour avé agi en malice. Ah! man puore Nicolas t'uas tet au point-d'être Portet dans eunne carosse qui n'a pas de f'nêtres, Qu'a des compartiments, qu'ont châtcheu eunne porte, Ah! jamais tu n'oubliêthas chest maoudites carottes. N'en fait jamais ditet man puore Nicolas, Car tu t'roaotheais toute suite dans d'bein maouvais drâs, Tu s'cais bein vite enmnè contre tan gret, Ouèque tu n'étheais que d'yieau et du pain sec. Tu fis bein d'onné les trente quat' louis, Puisqu'y trouvirent la pouque rempyie, De lus carottes, Ah! Malheuetheux Mais chest q'tu d'vais avé grand peuex. Faut espéthai man puoure garçon, Que chonna te servitha d'leçon Et q'jamais q'tu n'convoittas, Chein qui n'taparkhiendra pas. ................................................ Il est vrai que tu as mal agi, Mais en même-temps t'uas payi assées chi, Pour gardé chonna eun sécret, Qui n'éthait jamais deu être révélet. Chronique de Jersey 25/12/1897 |
Viyiz étout: