II.

Happ chu sa' ou lia dla flieu
Et l'êcoue sus ma tête
Afin qj'aie l'air d'un moussieu
Pour aller a chute fête.
Ah! grand doux coumme més sens s'agite
Toute les fais q'jy pense,
Quest qui fait q'men coeur palpite
Quand j'men vais a une danse.

III.

Quitte me vite un bel elliait
Qui sente a clioud' giroufle,
Mait d'l'iaud senteur dans man mouochèt
Et men mèt sus men roufle.
Jé serai ptête prins pour un Seigneur
Par toute les pus belles filles,
Qui ptètre me demandront pour men coeur......
Mais Margo, quès qui trille?

IV.
Ah chès t'un faut point à ma câuche
Qui déchire kan j'mercule,
Chière Margo, chest au talon gauche.
Enfile vite t'enne agule,
Mais en lar dernant, pren bein garde
Dé né mé piqui pas -
Je frai ptête mus d'rôté mes harde
Et dé n'y allé pas.