|
Mémèe m'èra env'yé au liet - Peunni pouor chein qué j'n'ai pon fait. Ch'est tout d'la faute à man p'tit fréthe, Car il a dit qué j'l'ai poussé Dans l'pité, mais ch'n'est pas vrai! Ah, ch'est un vrai p'tit scélérat Il est bein pus malîn qu' not' cat. J'ai décidé qué iun d'ches jours, Eh bein, j'm'en vais aver ma r'venge, Car ma m'mèe crait qu' ch'est un p'tit ange! Véthe, j'en ai ieu assez, j'vouos dis, Car quand j'y pense j'en sis mârri. Jé fais d'man mus pouor pliaithe à tous - Ch'est mé tchi souffre quâsi tréjous! Bein, chutte bouonne fais j'ai fait mes plians, Quand jé s'sons d'houors, pas par dédans, Chein qué j'peux faithe, tout seu d'ma part Ah danme - jé vouos r'dithai pus tard! K. le M.
|
Viyiz étout: