Les Pages Jèrriaises

L'înnondâtion du 26 d'Août 2010

Siez sé, nou peut bein viédgi san frigo;
ch'est san drouait, nou n'en a ni honte ni d'so.
Siez sé, nou peut bein touônner l'radio haut
et ouvri grande la f'nêt' quand i' fait caud.
Siez sé, nou-s'atchil'ye bein ses vîsiteurs...
les beinv'nus - pon les cheins tchi font des teurs.
Siez sé, nou peut garder un cat ou tchian -
la mênag'gie, v'là tch'est pouor l's êléphants.
Siez sé, nou martèle pouor èrgraie des ais;
ch'n'est pon un musée, ch'n'est pon un palais.
Siez sé, nou-s'êpouss'te quand y'a du ponsi,
quand y'a d's êteuchîns ou d's ithangnies.
Siez sé, nou s'couoche quand nou tchaie dé dormi
et nou s'lève, dgia, quand nou-s'est rêvilyi.
Siez sé, tout est coumme nou l'veurt, coumme i' faut.
Nou n'espéthe pon vaie san siez-sé n'yé dg'ieau.

Geraint Jennings
 

Viyiz étout:

 

Les Pages Jèrriaises