Je fut introduit à eunne jeune veuve qui d'meuthait dans la même maison que sa belle-fille. Je la mathïy; man pèthe fut preins en amour de la belle-fille; de ma femme; et la mathïy.
Ma femme deveint la belle mèthe, et étout la belle fille de man propre pèthe. La belle fille de ma femme est ma belle mèthe et je sis le bieau pèthe de ma belle mèthe.
Ma belle mèthe qu'est la belle fille de ma femme a eun garçon, il est naturellement man bieau frèthe parce qu'il est le fils de man pèthe et de ma belle mèthe, mais parce qu'il est le fils de la belle fille de ma femme, ma femme est la grande mèthe du p'tit garçon, et je sis le grand pèthe de man bieau fils.
Ma femme à étout eun p'tit garçon, conséquemment ma belle mèthe est la belle soeur de man garçon, et est étout sa grande mèthe, parce qu'il est l'êsfant de san bieau fils et man pèthe est le bieau frèthe de man fils, parce qu'il a preins sa belle soeur pour sa femme. Je sis le frèthe de man propre fils, qu'est le fils de ma belle mèthe.
Je sis le bieau frèthe de ma mèthe, ma femme est la tante de san propre fils, man fils est le p'tit fils de man pèthe et je sis man propre grand pèthe.
Georgie
1904
Viyiz étout: