|
Les trais cats filent lus trème; j'éthons du fi à r'teurtre. Nou-s'a-t-i' à êt' pouor, s'y'opposer, êt' neutre? Ch'est-i' d'lanchi d's avanches? Graie d'tchi tout radica? Grînmer les hauts jutchis? Ou d'faithe miaûner les cats? Èrbourper d's întéthêts, affliâtrer acanté les pouôrres gens ou les riches? J'voulons la bouonne santé, du louogeais, du transport, du dêm'nîn et d'la pêque: eune hale dé politiques ofûche drann'tées d'fliaûmêques tch'êcliaquent en chendres et chiques. Qu'les cats dêcaûchent pianne-pianne. Qu'i' y'ait des djobbes, du ji, d'la ronn'nie pouor les jannes; qu'les hannicroches êchînment, l's innitchités dê-ouôlent: eune taile pouor tout l'peupl'ye en souaie et halinne-au-crôle. Des tchestchions pouor l'av'nîn? Y'en a eune quénouoillie. Les cats rouaûd'dont pus fort. Lé destîn cop'tha l'fi.
|
Viyiz étout: