Quand tout fut près et qu'ou fut màteais d'vant sa trais,
Ne v'la la kioche qui sonne, y faout vite allé vais.
Tchet eun chiquethi "Des chiffons, des bouteilles, des peaux d'lapin."
Nannin, nannin, j'navons pas d'Chat, ou v'nais de trop matin.
Ou tet dans eun tet guedon d'avêr tet disteurbeais
Que ou l'y freumi bein vite la porte au nais.

Tchique minutes après ou'l entend eun p'tit tape tape,
Tchet eunne vaizeinne qui yi aportait de belles tomates.
Oh ! Bonjour, Bonjour, Missis bein v'nu t'chaporte.
Mais la pouore femme fut gardais à la porte.
Extchusais mé, ma Missis, que j'ne vos fais pas entré,
Mais je voudrais être à êtendre et jé n'sis qu'à lavé.

Ou tet à peine rentraies quand ne v'la t'y pas
Ou'l entend tapé - tchet eun homme pour erchevé le rat.
Y fallait bein le faithe entré, n'iavait pas à dithe,
Mais ne v'la qui n'faisait pas notre Sophie rithe.
Ou fut bein aise quand y fut hors ou s'mins vite à lavé
Mais che n'tait seulement que pour eun p'tit brein.

Car eun qnart d'heuthe après que ou tet en travas,
Ne v'la tchiqueun qui tape et tape entre heaut et bas.
Et comme ou pensait que t'chet s'en Boulandthie,
Ou'l ôte s'en gros d'vanté pour prendre le pain d'li,
Mais t'chet eun p'tit mousse qui v'nait pour collecté,
Ou'l y donni siez sou et lis dis de bein vite s'en allé.

Quand le Boulandthi fut v'nu et qu'ou tet ranimais,
Ou touone la kiet dans la porte pour n'être pas disteurbais.
Là, ou dis, veinge tchi voudra, qui tape ou qui sonne,
Pour de me arrive tchi piante, j'n repondrai personne.
Ou s'mins en travas à tigue de corps et bien desterminaie
Bon ne v'la la kioche qui sonne à peienne volais.

Ou'l avait dit qu'on repondrait person et ou' n'le fis pas,
Quand tout pres d'yi ou'l entendi eun p'tit pas :
Tchet eune grande Dame habiyi tout en né
Qui veint souvent la vais et chest tréjous pour collecté,
Ou tet v'nue douochement la trouvé dans sa lavethie.
Chute fais notre Sophie tet diversement mârie.

Ou fut la eunne bouanne partie d'l'arlevais
Quand Sophie s'r'mins à sa trais yiaux était glacêe,
Le feu tet destains, n'iavait pas moyen d'lavé,
Ou n'savait pas tchi faithe ou tet tout en m'zespé.
Oh! ou pensi jamais je ne me ventrai d'ma journeais
Devant que 'ou s'cait bein yien passaies.

N.B. - Ne v'neais pas vais Sophie quand ou'l est à la traie,
Car ou'l aimethait mus vais vos talons que vos orteais.

Livonia