Les Pages Jèrriaises

Pouortchi sangni un êtchutheu?

(Nou changit la louai en Jèrri à seule fîn d'allouer ès vétérinnaithes dé haler du sang d'êtchutheurs et d'aut's bêtes sauvages pouor la testéthie et la r'chèrche, même si les criatuthes né sont pon malades)

Nou s'en va sangni l's êtchutheurs;
les êtchutheurs donn'nont du sang.
V'là un plian des pus tchuthieurs,
un projet tchi n'a pon d'grand sens.

Tch'est qu'nou gângn'na d'itelle sangnie?
Combein qu'nou s'en va prendre ès bêtes?
Eune pînte? Ch'est bein pus qu'eune braichie!
L'sang lus a monté à la tête.

Sans doute nou paietha un bouôn prix;
chu sang-là étha tchique valeu
un co qu'i' s'sa emboutilyi.
V'là eune boutelle d'sang d'êtchutheu!

Geraint Jennings

 

Viyiz étout:

 

Les Pages Jèrriaises