Notre esprit n'est pon sans tchiqu' gèn'
Quand j'soum's dgais èt rêjouis,
Et not' jouaie n'fait qu'm'né à la pain'...
Ch'est là l'cours dé la vie!

Jé rions au-tou d'not' table engnièt,
D'main, minzére inouïe!
J'plieurons un mort... êtendu sus l'lièt...
Ch'est là l'cours dé la vie!

Partout ouêqu' les vivants s'rencontr'nt,
Dans les scèn's dé chut' vie,
L'piaîzi èt l'deu ensembl' sé montr'nt;
Ch'est là l'cours dé la vie!

Oui, tout a san 'rvèrs sus chut' tèrr':
Ach't-heu, la paix flieurit;
Bétôt, un rain ralum' la dgièrr'...
Ch'est là l'cours dé la vie!

J.D.R.