Dimanche au sé, les grands d'la paraisse a man biau cliochi fites des collectes qui lus rapportites plus d'sou que les siennes à l'Eglise ou ès Chapelles de chutte paraîsse, car nous n'acceptait pon mins de chinq chelins chaque fais et y fallait déshaller les sous de sa pouchette dja!
Claude ly, èttait à watcher tout près du grand betchèt d'toumates ès Augrés, et quand passi un motor sans hooter y criyi à san parchonnier d'l'arrêter mais Claude fut hardi surprins et bein embarrassi en viyant que l'sien dans chutt machine à pétrole était l'p'tit Samuel, l'grand homme du bord de Rozé. Y lus mites à d'viser et à badiner un miot et j'crais qu'oprés touot Claude n'eut rein pouor sa collecte!
L'grand John d'la Boucterie, était ly à watcher du bord du Rondin – nennin, ch'n'tait pon pouor une tinnée de saumon, chutte fais! Il arrêt une pouorre hardèlle qui boulait sa bike, viyant qu'oulle n'voulait pon avèr à payi l'amende.
Chu grand John, en mettant la main sus l'espaule d'une jeune hardèlle, failli l'écraser!
J'voudrais vein savèr – nennin, pas vais par mé même car oulle ne l'voudrait pon! – j'voudrais saver si ch'est la pure, plienne et entièthe verithèt qe chutte pouorre hardèlle en avait les merques sus l'èspaule!
Caouain
Chroniques de Jersey 21/10/1922
Viyiz étout: