This Ole House
|
Chutte cauminne a veu eune fanmil'ye; Chutte cauminne 'tait un abri; Chutte cauminne offrait la seûth'té Dans les tempêtes dé la vie; Chutte cauminne a connu lé fanne, Lé confort et la chaleu; Chutte cauminne achteu est êpeûthée Quand y'a d's êparts dé feu. Chutte cauminne n'est pus un siez-mé; Ou n'est qu'un reintchivâle; I' n'vaut pus r'pather lé plianchais Ni r'pather les quat' muthâles; J'ai halé les ridgeaux ès f'nêt's Et j'ai clièrgi lé galetas; J'm'en vais tchitter chutte vielle cauminne; Oulle est prête à pâsser l'pas. Chutte cauminne est en vouaie dé tchaie; Chutte cauminne est affaiblyie; Chutte cauminne laîsse entrer la fraid, Les couothants d'air et la plyie; Oulle est afflyigie d'rhonmatisses Mais n'craint pon d'êt' dêmoli, Car né v'là un ange tchi tape à l'us Et prendra bouôn soin d'lyi. Chutte cauminne n'est pus un siez-mé; Ou n'est qu'un reintchivâle; I' n'vaut pus r'pather lé plianchais Ni r'pather les quat' muthâles; J'ai halé les ridgeaux ès f'nêt's Et j'ai clièrgi lé galetas; J'm'en vais tchitter chutte vielle cauminne; Oulle est prête à pâsser l'pas. Chutte cauminne a peux dé l'ôrage; Chutte cauminne a peux dé dgêles; Chutte vielle cauminne est à tremblier; Ou s'en va patchi ses vailes; Chutte cauminne est sus san mouothi, En d'lacres du lief jusqu'ès bas; J'm'en vais tchitter chutte vielle cauminne; Oulle est prête à pâsser l'pas. Chutte cauminne n'est pus un siez-mé; Ou n'est qu'un reintchivâle; I' n'vaut pus r'pather lé plianchais Ni r'pather les quat' muthâles; J'ai halé les ridgeaux ès f'nêt's Et j'ai clièrgi lé galetas; J'm'en vais tchitter chutte vielle cauminne; Oulle est prête à pâsser l'pas. |
Viyiz étout: