Non peut t'y s'fiai a chounechin?
Qu'eun jour eune femme tait a pêtri dans eun tro en drait yi. Eun houmme pâssi et rui eune poumme sus yi; la poume, parmi la pâte dans l'tro s'trouvi. La femme empoigni la poumme et d'pâte l'enveloppi, et dans l'fou ou s'trouvi.
Lé sé au thée a la surprinze du sien qu'avait ruai la poumme, sus eune assiette dévant li sa poumme sé trouvi, seulement oulle avait changi, oulle avait eun habit d'pâte alentou d'yi. Il en mangi et en dounni es siens qui tais a côtai d'li.
La préchaine fais q'l'fou caufi, l'même sé au thée sus la tabye s'trouvi eune grande assiétais d'poummes avec eun habit d'pâte a les couvri. Yeun dits: Tchi nom q'jallons lus dounnai?
Ils avais eun domestique qu'avait nom Délo.
Au sé quand il allait s'proumnai dans l'vaisinai y disait: j'envais dans l'Bourg coumme y dise en France. Yeun dits: Faut lus dounna l'nom d' "Bourdélos."
Estche-là l'origine des Bourdélos?
Viyiz étout: