|
L'long du talustre, i' soûffl'ye coumme un bal'not; les huthes du r'sîn r'sourdent et r'sonnent dans la baie; les blianches et grises louêmes suffâquent d'un avo en longues halenées. Nou cope au vif d'un trait; et l'vent coutèle. Des rouoges taques sus l'papi sont êtampées sanglieusement du pônchet. La tèrre et la mé sont taqu'tées dé gris; jé sangne des mots - lé dé et l'soûffl'ye copés. I' vente dû à chaûmêtchi les batchieaux; les bal'nots et boulais enhèrmélés touônnent et bouoillonnent dans les veines et vaissieaux. J'sis sangni, dêsaûssé, et êssoûfflié. Geraint Jennings |
Viyiz étout: