I' mé démandit du pain,
Jé m'en fus don li'en chèrchi
A la carre dé mén armouaithe,
A un crôtin d'pain pouôrri
J'l'aimais tant, man bouonhomme.
J'l'aimais tant,
man pouôrre bouonhomme !

I' mé démandit dé l'ieau
Jé m'en fus don li'en chèrchi
A la carre dé ma canne,
A un gouttîn dg'ieau mouaisie
J'l'aimais tant, man bouonhomme,
J'l'aimais tant,
man pouôrre bouonhomme !

I' mé démandit l'méd'cin
Jé m'en fus don li'en chèrchi,
Jé m'en fus l'sanm'di au sé
Et j'n'érvîns qué lé lundi -
J'l'aimais tant, man bouonhomme,
J'l'aimais tant,
man pouôrre bouonhomme !

Quand j'érvîns dé man court viage,
Jé l'trouvis ensev-eli
Dans iun d'mes fîns bliancs lîncheurs
Qué mes pathents l'avaient mîns-
J'l'aimais tant, man bouonhomme,
J'l'aimais tant,
man pouôrre bouonhomme !

Bein vite jé prîns mes chîsieaux.
Point à poînt jé l'dêcouôsis ;
Sa houlette et san bâton
'Taient ilà à côté d'li -
J'l'aimais tant, man bouonhomme,
J'l'aimais tant, man pouôrre bouonhomme !

Quand j'appraichis d'sa goulette
J'avais peux qu'i' n'mé mordisse ;
Jé l'prîns par lé gros orté,
Jé l'traînis avaû l'côti -
J'l'aimais tant, man bouonhomme.
J'l'aimais tant,
man pouôrre bouonhomme !

Les cônelles et les corbîns
S'en vîntent tous à l'entou d'li,
La biche en eut si grand peux
Qué san vieau s'en êcornit -
J'l'aimais tant, man bouonhomme,
Ah, qué j'l'aimais,
man chièr bouonhomme !

Et tout près du sud rom'thi
J'fis un creux et j'l'entèrris,
Sus sa tombe j'y mîns eune crouaix
Faite atout deux vièrs buts d'bouais -
J'l'aimais tant, man bouonhomme,
J'l'aimais tant,
man pouôrre bouonhomme

Sus sa crouaix j'ai même êcrit -
"Ichîn reste man pouôrre vyi
Tchi mouothit d'eune mort subite
Au bel âge dé chent dgiex-huit!”
J'l'aimais tant, man bouonhomme,
J'l'aimais tant,
man pouôrre bouonhomme