La preunmié niet qué j'couoche avec li -
O mais tchi homme, tchi pétit homme!
La preunmié niet qué j'couoche avec li -
Tchi pétit homme - o qu'il est si p'tit!!

Eh bein, j' l'ai perdu dans la pâlle
O mais tchi homme, tchi pétit homme!
Eh bein, j' l'ai perdu dans la pâlle
Tchi pétit homme - o qu'il est si p'tit!!

Jé l'ai assis sus eune assiette,
O mais tchi homme, tchi pétit homme!
Jé l'ai assis sus eune assiette,
Tchi pétit homme - o qu' il est si p'tit!!

Lé cat l'a print pour eune souothis
O mais tchi homme, tchi pétit homme!
Lé cat l'a print pour eune souothis,
Tchi pétit homme - o qu'il est si p'tit!!

O cat, O cat, ch'est man mari!
O mais tchi homme, tchi pétit homme!
Catton, o cat, donne mé man mari!
Tchi pétit homme - O qu'il est si p' tit!!