Séthée d'Noué
Bieau qué l'tem ps n'tait pon bein encouothageant au mains eune chentaine dé membres lus rêunîtent dans la Salle Parouaîssiale dé St. Brélade, sam'di, l'15 dé décembre. La salle, qui 'tait bein caude, avait 'té décorée par les membres du Conmité Dramatique.
La rêunion mensuelle
D'vant c'menchl l's affaithes pour la séthée, l'Président, d'mandit ès membres dé'lus l'ver pour eune minute en silence en mémouaithe d'eune membre décédée, Mme. Liliân Laisney.
Un rapport du nièr beurre fut liu et accepté. Parmi la correspondance, i' y avait des lettres dé bouans sou'aits dé membres d'Améthique et du Canada. Dgiex-sept nouvieaux membres et eune membre Junieure fûtent êlus. Ch'est signe qué L'Assembliée n'sé pert pas ! Lé Président annoncit l'dîner annuel pour lé 24 dé janyyi tchi veint: les détails s'sont dans la gazette pus tard. Lé sien d'L'Assemblliaïe d'Guernésiais est arrangi pour lé 16 dé janvyi, et si autchun membre veurt y aller, si lus pliaît donner lus nom à la ségrétaithe devant l'6 au pus tard.
L'divèrtiss'ment
L'Sieur Gibaut mînt l'restant d'la séthée dans les mains du Conmité Dramatique, et nou' c'menchi par passer un patchet au son d'la musique. Auprès chenn'chîn la gamme à souffliet des balons causit hardi d'amus'ment - les gens riaient tous comme des "bossus" pour un temps! Parmi l'ji i'y eut des chansons par les Danmes de la Mare et Le Sueur et la Dlle. Amy. Mme. de la Mare nos montrit eune nouvelle maniéthe dé faithe dé la gâche : ch'tait bein amusant, mais p'têtre qué les vielles manniéthes sont aussi bouannes! La Dlle. de Gruchy et Mme. Le Sueur aidgîdrent ichîn.
Un coup la gâche tchuite, les membres chantîtent des cantiques dé Noué qu'avaient 'té bein traduis en Jèrriais. Auprès ches cantiques finis, nou' vit sus la strade un magnifique "tableau" démontrant la scène à Bethlé'em quand lé P'tit Jésus fut né, et duthant l'"tableau" les deux cantiques, "'Peuple Fidèle" et "Sainte Nuit", fûdrent chantés bein sincéth'ment auve lé Conmité Dramatique à servi d'tchoeur.
Les membres du même souos-conmité avaient prépathé un magnifique souper; et lus mîntent tout d-suite à l'servi.
Ermerciements
À la fîn du r'pas lé Président ermercyit l'Connètablye Chevalier pour l'usage dé la salle, lé Conmité Dramatique pour aver arrangi la séthée et décoré la salle si bein, touos les siens qui prîndrent part, les siens qu'avaient fourni et prépathé l'bouan souper, et sou'aitit un
“Bouan Noué” à tous, et la séthée finit par chanter “Dieu sauve la Reine" tous ensemblye.
Evening Post 21/12/1962
Viyiz étout: