Dîner d'L'Assembllie d'Guérnesiais

Huit r'présentants dé L'Assembliée d'Jèrriais fûtent bein èrchus au dîner annuel en Dgèrnésy, mardi, l'7 dé décembre, au Wayside Cheer, Les Grandes Rocques, dans la présence du Gouvèrneux d'Dgèrnésy et sa danme, Sir Charles et Lady Mills.

Auprès qu'les membres avaient 'té sèrvis auvec un bouan r'pas, lé Gouvèrneux proposit la santé dé L'Assembllaïe en Dgèrnésiais et dit tchiques patholes en Angliais.

Lé Sieur M. Torode proposit la santé dé L'Assembliée d'Jèrriais, et l'èrmèrcyit pour lé mangnifique jour qu'il' avaient pâssé auvec les membres au mais d'septembre et dit combein întérêssante qué lus visite au Fort avait 'té. I' d'mandit ès siens présents de remporter les bouans souhaits pour Noué et tout succès en 1972, la 21ième année dé L'Assembliée.

Dans l'absence du Président, l'Député W. Tomes rêponnit à la santé en r'mèrciant l'Sieur Torode pour ses patholes et dit qué ch'tait sa traîsième année à v'nîn. I' 'tait bein content dé vaie lé groupe folkorique dans lus habits prêts pour lus danses, et il espéthait qué y'éthait plusieurs autres visites entre les Assembliées dans les années à v'nîn.

Le dîner annuel dé L'Assembliée d'Jèrriais fut annoncé.

Les divèrtiss'ments pour la séthée suivîtent auvec des chansons, r'citations, ieune par la Dlle. Ruth Amy, et lé groupe folklorique dansit.

Y'eut étout eune presentation à Moussieu et Mde. Le Tocq à l'occâsion dé lus neuches d'or.

La séthée s'pâssit bein trop vite et finit auvec Lé bouan vièr temps, et La Reine, et il 'tait temps ocouo eune fais dé tchitter les bouans anmîns et les r'mèrcier pour lus chaleureux réception.

1971

Viyiz étout:

L'Assembliée d'Jèrriais