|
J'ai prîns mes boulets, bu ma boutillie, épis j'îthai m'nyer dêliêment en té; jé drisse entré tes louêmes d'eune alanchie et t'n avanteu m'atchil'ye à s'n avolée, vilyant touos les vaissieaux tchi sont à fliot; j'ai bu ma boutillie, prîns mes boulets, et j'boule à flieur dé l'ieau, lé tou des d'cos, et j'lofe du bord d'tes tchiêsses; j'y sis au lis où'est qu'man halant veint emplyi tan houlot; tu'es eune mathe dg'ieau à nyer un mathinnyi, et j'y sis êcliûthé dans tes mathées; j'ai prîns mes boulets, bu ma boutillie... ...j'ai bu ma boutillie, prîns mes boulets. Geraint Jennings |
Viyiz étout: