The launch of the First Thousand Words
Dr. Ralph Nichols, Jayne Le Boutillier-Nichols, Philip Le Brocq, Sir Philip Bailhache discuss the new book.
Né v'chîn l'Docteu Ralph Nichols, la Danme Jayne Lé Boutillyi-Nichols, Lé Sieur Ph'lip Lé Bro et Messire Ph'lip Bailhache à lus ent'distchutter lé nouvieau livre.
"Les Preunmié Mille Mots" fut lanchi dans la Salle des Membres à la Sociêté Jèrriaise à méjeu Sanm'di lé trais d'Févri 2001. Ch'fut l'Bailli d'Jèrri, Messire Ph'lip Bailhache, tchi 'tait l'învité d'hounneu et y'avait étout un tas d'monde là pouor atchilyi officiellement la nouvelle publyicâtion d'la Section de la langue Jèrriaise.
The launch of The First Thousand Words in Jèrriais took place in the Members Room at La Société Jersiaise at midday on Saturday 3rd February 2001. Sir Philip Bailhache, Baillif of Jersey, had been invited to officially launch the Section de la langue Jèrriaise's latest publication and there were a host of dignitaries and people who had been involved in the production of the book in attendance.
Dr. Nichols and Laurie Huelin sign copies at the launch.
Lé docteu Nichols et l'Sieur Laurie Hueûlîn à sîngni des livres duthant la lanch'chie.
Y'avait eune tabl'ye où'est qu'nou vendait les livres, et bein seu nou les sîngnait étout.
Signed copies of the book were on sale, of course, and Ralph Nichols and Laurie Huelin were doing brisk business.
The President of La Société Jersiaise opens the proceedings.
Lé Sieur Ph'lip Lé Bro, Président d'La Sociêté, prononce un p'tit discours d'beinv'nu.
Lé Sieur Ph'lip Lé Bro, Président d'La Sociêté, atchilyit les cheins tchi 'taient v'nus pouor mèrtchi ch't' évênément en pâlant d'san grand'péthe, Douard Lé Bro, un fanmeux auteu en Jèrriais. Mess Lé Bro dit qu'san grand'péthe avait 'té pouor lî coumme mousse tout sîmpliément san Papa et i' n'avait pon apprécié ses qualités avant tch'i' n'fûsse trop tard. I' faut don apprécié l'Jèrriais ach'teu et même si La Sociêté Jèrriaise avait prîns pus d'chent ans pouor vraînment faithe d's efforts pouor saûver la langue, auve des livres coumme ch't'i chîn, i' n's'sa pon trop tard pouor l'apprécier.
The President of La Société Jersiaise welcomed everyone and said how important it was to value things before itwas too late - and to do something about it.
La Présidente of the Section de la langue Jèrriaise says a few words.
La Danme Lé Boutillyi-Nichols dit tchiques mots.
La Danme Lé Boutillyi-Nichols èrmèrcyit du monde et învitit l'Sieur Tony Scott Warren à dithe tchiques patholes.
Lé Sieur Scott Warren racontit coumme tchi qu'nou-s'avait fait eune liste dé chein tch'i' faut faithe pouor la langue Jèrriaise: du Jèrriais sus l'radio et dans la gâzette, des clâsses dans l's êcoles, l'accès à la littéthatuthe Jèrriaise pouor l'publyi, et des matéthiaux modèrnes.
Ach'teu j'avons tout chenna. J'avons trais programmes sus l'radio, d's articl'yes et un diton du jour dans la gâzette, auve l'Ithangnie, j'avons pus d'mille chin chents pages en Jèrriais sus l'Întèrnet, et j'avons des clâsses dans l's êcoles primaithes et s'gondaithes - mais i' faut acouo du travas pouor renforchi la position d'la langue.
2001, ch'est l'Année Ûropéenne des Langues, mais y'a un tas d'langues tchi sont en dangi dé dispathaître, et ch'est préveu qu'la maintchi des langues du monde lus en vont dispathaitre duthant chu siècl'ye-chîn. Auve un livre coumme ch't'i-chîn, y'a d'l'espé qué l'Jèrriais né s'sa pon parmi les cheinnes tchi pass'sont l'pas.
Et l'Sieur Scott Warren racontit la réaction des mousses tchi viyaient chu livre et les mille mots: y'eut eune fil'ye tchi dit: "Tchi mots! Aspithateu! Colînmachon!"
Et dans l'audienche, y'en avait hardi tch'aiment bein ches mots étout!
After the Présidente of the Section had said a few words, Tony Scott Warren ran through how much of a wishlist for Jèrriais had so far been achieved. He said that it was particularly appropriate for the book to be launched this year with 2001 being the European Year of Languages, and that the book would be used in Jèrriais classes in schools.
The Bailiff officially launches the book as Tony Scott Warren and Laurie Huelin look on.
Messire Ph'lip Bailhache lanche lé livre, et né v'là les Sieurs Scott Warren et Hueûlîn à l'èrgarder.
Pis, ch'tait au Bailli d'Jèrri d'lanchi lé livre officiellement. Messire Ph'lip Bailhache s'extchûthit dé n'pon pâler en Jèrriais aniet, mait i' promînt qu'la préchaine fais qu'il avait à lanchi un livre en Jèrriais, i' lé f'thait en Jèrriais.
I' proposit qu'lé préchain livre dév'thait êt' un p'tit livret d'phrases pouor aîdgi auve les phrases dé touos les jours - pouor lé tourisme, la boutiqu'sie étc.
Next to speak was the Bailiff, Sir Philip Bailhache, who promised that the next time he was asked to launch a book in Jèrriais, he would actually do it in Jèrriais. Along with his other remarks, he mentioned that the next project should be a phrase-book.
Eune racachie d'grôsses têtes!
A bunch of VIPs!
Y'avait des photographes pouor la gâzettes et d's entreveues entouor lé nouvieau livre, et les gens continnuait à pâler et à baithe lé vîn et mangi les p'tites bouochies grées pouor l'occâsion.
Drinks and refreshments helped to make the occasion go with the appropriate élan.
Sir Philip, Tony Scott Warren, Dr. Nichols and Jayne Le Boutillier-Nichols discuss the new book.
Messire Ph'lip, Tony Scott Warren, l'docteu Nichols et sa femme, la Danme Lé Boutillyi-Nichols distchuttent lé livre.
Nou peut dithe qu'lé livre est un grand succès et qu'touos les membres d'la Section et touos les cheins tch'aîdgîtent auve la production du livre peuvent êt' bein fièrs d'lus travas.
Section members and all those who worked on the book can be proud of such a magnificent achievement.
Ralph Nichols and the First Thousand Words in Jèrriais.
Né v'chîn Ralph et lé livre - ch'est la fîn d'un tas d'travas!
Viyiz étout: