|
V'la nos peire' et nos poumes Bein louochis, nos gens; Jamais de mémouêr' d'houme Avions veu d'itè temps. Ch'est le Vouêstume Qui fait voler tout coum' la pllume.
Branque et fieille, en achies,
De la brise qui vente
Y-éra pus d'une équête,
Rein au vent n' êcappe;
Y-en a-t-i du saccage,
|
Vèrsion modèrnîsée:
|
V'là nos paithes et nos poummes Bein louochies, nos gens; Janmais dé mémouaithe d'houmme Avêmes veu d'ité temps. Ch'est lé Vouêteunme Tchi fait voler tout coumme la plieunme. Branque et fielle, en achies, Font dé l'hèrbe un tapis; Bein des pots dépichis Tchaient partout à nos pids. Ch'est lé Vouêteunme Tchi fait voler tout coumme la plieunme. Dé la brise tchi vente Faut teurtchi ses gliots; Car si nou n's'en d'mente, Tout s'en îtha en mios. Ch'est lé Vouêteunme Tchi fait voler tout coumme la plieunme. Y'étha pus d'eune êtchête, Et not' pus grand sapîn Veint dé s'câsser la tête Tout en travèrs du c'mîn. Ch'est lé Vouêteunme Tchi fait voler tout coumme la plieunme. Rein au vent n'êcappe; Tout s'en va en morcieaux; I' faut s'mettre à la cape, Ou j'éthons dé tchi sus l'dos. Ch'est lé Vouêteunme Tchi fait voler tout coumme la plieunme. Y'en a-t-i du saccage, Et dé tchi ramather; Y'étha du ramâssage, Et dé tchi èrpather. Ch'est lé Vouêteunme Tchi fait voler tout coumme la plieunme. |
Viyiz étout: