Les Pages Jèrriaises

La Preunmiéthe Êpitre à Timothée, Chapitre 2

Vèrsets 1-8

Chein qué j'veurs tout preunmiéthement, ch'est qu'nou faîche des priéthes dé d'mande, dé supplyicâtion et d'èrmèrcîment pouor touos les gens,

Pouor les rouais et les cheins tchi c'mandent, à seule fîn qué j'piêssions vivre à s'n aîse, sans ennyie ni troubl'ye, coumme des bouôns chrêtchiens.

Véthe, ch'est eune priéthe qué not' Dgieu et Saûveux peut ouï et r'chéver, car I' veurt, Lî, qué touos l's hoummes saient saûvés et tch'i' parveingent à connaître la véthité bein cliai.

I' n'y'a qu'un Dgieu, iun!

Et n'y' a qu'iun seu tchi mène entré Dgieu et l's hoummes, un houmme, Jésû Christ, tchi s'est livré Li-même pouor racater touos les gens.

Ch'est en tchi j'ai 'té appointé prédicateu et apôtre - j'dis la véthité, mé, sans menn'tie - pouor préchi la fouai ès nâtions

Et j' voudrais - né v'là pouortchi - qué d'touos les bords l's hoummes faîchent lus priethes en l'vant lus mains puthes vèrs lé ciel, sans rantcheune ni mauvaîtchi.

 

 

Vèrsets 1-3

Chein qué j'veurs pouor c'menchi ch'est qu'ou d'mand'dêtes, qu'ou priethêtes, qu'ou suppliéthêtes, qu'ou f'thêtes des actions d'grâces pouor touos l'hoummes, pouor les rouais et pouor touos les gouvèrneurs, à seule fîn qué j'piêssons nos rêjoui d'eune vie paîsibl'ye et trantchil'ye pieusement et honnêtement. V'là tch'est bein et acceptabl'ye l'avant au Bouôn Dgieu, not' Saûveux.

 

Viyiz étout:

 

Les Pages Jèrriaises