|
Donne eune médâle en argent ès ortés; i' n'méthitent pon, hélas, eune médâle d'or. Les pids n'sont pon divèrsément aimés: ch'est l'deuxième préféthé but du corps. Les pouôrres pids n'peuvent pon èrchéver l'grand prix; i' sont trop bas, n'ont pon grand boute-déhors. Nou hale sus eune gambe, épis hale d'un pid: ch'est l'deuxième préféthé but du corps. Bouôn pid, bouon yi, bouonne dent et l'Paradis; nou-s'arriv'tha bein au ciel s'nou-s'y couort. Ch'n'est pon l'pid mais la main tch'y s'sa châtchie: ch'est l'deuxième préféthé but du corps. Ah sont-i' bein à pliaindre, ches pouôrres pinnots! Nou-s'admithe eune fache, des g'veux, même des g'nouors; les docteurs halent des portraits même des os. Ch'est l'deuxième préféthé but du corps. Nou-s'aime ses deux pids; nou prend bein des pas; nou marche au liain, nou va à touos les bords; mais i' n'gângnent pon la médâle d'or - hélas! - ch'est l'deuxième préféthé but du corps. Geraint Jennings |
Viyiz étout: