|
Nou geint et pargeint pouor not' par, not' paradis pouor tout l'publyi. Ch'est not' bétchet bénîn, not' carre: ses bouais et bliête ont veu tant d'fêtes. Eune pliaiche à prix, eune pliaiche à part tch'a ouï, tch'a veu nos ris au tchoeu. La m'niche veint tchaie coumme un êpart: nou-s'est ravi de l'vaie m'nichi. Si tchique bûsard, si tchique bachouard ôse l'avraûner v'là du mêché. Ch'est don d'vilyi et d'garder quart pouor protégi not' endrait d'ji. Des hauts jutchis cop'thaient un liard en quat' (ou chîn) pouor faithe stégrîn. Fiche des stégrîns, fiche des gronnards! Lé peupl'ye d'ichîn garde san gardîn. Qué nou sait sobre, qué nou sait souard: à la santé d'not' pièche à jouer. Lèv'-ous, l'publyi, n'séyiz pon couards: draits coumme des bouais, d'fendons nos drouaits. Geraint Jennings |
Viyiz étout: