Oùe d'j'antre est qu'la vertu va s'anichi?
Aut'fais pour m'ner unn'vie "nouvelle,"
Et sé comporter bein, être converti,
Un' houmme allant à l'Egyise, à la chapelle...
Mais i s'en est trouvé yieun qu'a l'opinion
Qué dans un temps, pour l'i critique,
Y pouôrrait faire pus d'réligion,
Comme membre dé la Police Honorifique!

Les bouans Villais, par charité, jé pense,
Dé san triste êtat ont yieu pitchi;
Et par s'amender y'i'ont dounnè la chance,
En lé mettant Chant'gni!

J.P.
Juin 1913