Les Pages Jèrriaises

Au corps mort d'Octobre

Au corps mort d'Octobre amathé au portélet;
lé mélèze et l'meîlyi r'couôsus au co d'mînniet;
les mouaithes et meîl'yes et néthes gradil'yes veinnent empotées;
la niet d'auve toutes ses êtailes pliaines et damâthées;

les C'mîns d'Saint Jacques flieuthis picotent la taile d'la niet -
du tchui au tanneux nièrchit raidement m'n êpaûlée,
et, ôtilyi coumme Pèrsée pouor la batâle grée,
j'dêhale man sâbre d'Octobre à seule fîn d'êtêter

un poummyi pouor qu'la boutil'rêsse sait dêcliévée
à sinne dé jeu: et l'sang d'chutte niet tchée brâle mes dés.

Geraint Jennings

 

Viyiz étout:

 

Les Pages Jèrriaises