Les Pages Jèrriaises

Les motoroutes

Eune motoroute ou autoroute est un grand c'mîn bâti pouor les boulants à moteur – les vaituthes, les ouadgîns et tout chenna. Les j'vaux, les piêtons et les bikes né sont pon alloués sus les motoroutes.

La preunmié motoroute du monde fut bâtie en Italie en 1924 – ch'tait l' Autostrada dei Laghi.

Dé couôteunme les motoroutes sont bâties entré des grandes villes à seule fîn qu'nou piêsse cachi d'eune ièrre sans aver à navidgi des carrefours et dêtours.

Y'a d's êcârreuses dé sèrvice par des bords rédgulièrs à seule fîn qu'les chacheurs piêssent mangi, baith, abréver lus boulants et lus r'poser par lé c'mîn. Autrément, i' n'y'a pon d'conmèrces ou maîsons par les motoroutes. En prîncipe, i' sont sîmpliément pouor cachi.

 

 

Viyiz étout:

 

Les Pages Jèrriaises