Les Pages Jèrriaises

Meur ras

Mèrcie bein des fais ès Cornouaillais
pouor lus p'tite phrâse.
En Cornouaillais "Mèrcie bein des fais" =
Meur ras

Ch'est aîsi à dithe et hardi cliai.
Nou-s'y'îthait sept noeuds dans la bliâse.
Nou pâle lé Cornouaillais dé vrai:
Meur ras

S'nou s'pronmène à banon dans ses braies,
ou reste siez sé dans ses drâses,
nou n'l'oubliéthait janmais:
Meur ras

S'cârrer d'la pâl'lie d'nos vaîthîns... nou-fait!
Nou-s'y frâse!
Qu'nou prêche dans sa langue, né v'là san drouait:
Meur ras

L's èrmèrcîments en dêtchèrquent. Il en tchait
des patholes douoches comme des frâses.
J'envyons ès Cornouaillais nos miyeu souhaits
(en Jèrriais
"Mèrcie bein des fais")
Meur ras!

Geraint Jennings

Pouor la S'maine d'la Pâl'lie en Cornouaillais 2021

 

 

Viyiz étout:

 

Les Pages Jèrriaises