Lé louis d'Jèrri est la monnaie d'Jèrri. Ch'est êcoué par l's Êtats d'Jèrri est ch'est l'êtchivalent du louis stèrling.
En Jèrri nou fait sèrvi des billes et des pièches dé Jèrri, et d'Dgèrnésy, des pièches du Rouoyaume Unni, des billes Angliaîches et Êcossaises et nou peut trouver parfais étout dans sa pouchette des pièches dé l'Île dé Man.
Auprès la Révolution Française i' n'y'avait dgéthe dé louis (livres tournouais) dé restant et les boutitchièrs avaient du train à faithe du conmèrce car i' n'restaient pon assez d'pièches. En 1834 lé louis britannique fut atchilyi coumme eune monnaie officielle et en 1837 nou r'nonchit la livre tournouais. Les preunmié pièches en rouoge tchuivre dé Jèrri fûtent întroduites en 1841.
Duthant la S'gonde Dgèrre Mondiale l's Êtats înmprînmîtent des billes auve des portraits faits par Edmond Bliampid pouor faithe sèrvi duthant l'Otchupâtion, et d'pis 1963 des billes ont tréjous cirtchulé.
En 1971, lé louis fut décimalîsé.
Un louis - 
Viyiz étout: