Les Pages Jèrriaises

La Lot'tie


Une Lot'tie! une Lot'tie?
De touos côtés nou ouait l'cri:
Une Lot'tie! une Lot'tie!
Peut seule sauver Jerri.

Touos pâlent de la banq'route
Qui veint de ruiner Jerri,
Et chacun cherche une route
Pour êviter le dangi.

D'une si terrible ruine
Jerri peut-i se r'lever?
Ne v'la la question chagrine
Que nou ouait partout d'mander.

D'en par ichin la Lot'tie
Semblle la seule invention,
Qui, s'oulle est bein mainagie,
Peut soulagir l'affliction.

A mains que les sous d'la dette
Que fait certain Comiti,
Mûx empliyès nou n'les mette
A v'nin au s'cours du pays.

Une Lot'tie! une Lot'tie!
De touos côtés nou ouait l'cri:
Une Lot'tie! une Lot'tie!
Peut seule sauver Jerri.
 

P.L.
1873


 

Viyiz étout:

 

Les Pages Jèrriaises